And hou his frendes comen hym by,
And he hem knew apertely,
þat souȝtten hym fer & nere;
Line 777
And hou he stale a-way hem fro,
þat non hym knew of alle þo,
So chaunged was his chere;
Line 780
(66)
¶ And hou þe ymage of oure lefdy
þe sergeauntz hete apertely,
In, hym, forto take,
Line 783
And byd his bedes in þe chirche,
Goddes werkes þere to wirche,
His sorouȝ forto slake;
Line 786
And hou þat folk com fer & wyde
To þat chirche in vche syde,
honour hym forto make;
Line 789
And hou he stale away hem fro,
And wolde nouȝth be honoured so,
bot libbe in woo & wrake;
Line 792
(67)
¶ And hou he wolde to tars haue went,
And whiche a tempest god hym sent,
þat droof hem to Romeyne;
Line 795
And hou he bad his fader good
herberewe & oþer lyues food,
He wroot forsoþe to seyne;
Line 798
And hou he seiȝ seuentene ȝere
ffader, & moder, & wijf þere,
wiþ sorouȝ & mychel peyne;
Line 801
And he wolde hem nouȝth yknowe,
Bot bare hym boþe symple & lowe,
þat had ben Man of meyne.
Line 804
