(63)
¶ Alexius, þat was goddes kniȝth,
ffor penaunce þat was on hym liȝth,
Almest his lijf was lorne. [folio 25a]
Line 747
Wel he seiȝ, þorouȝ deþes lawȝes,
þat he drouȝ to his endyng dawȝes,
ffor deþ com hym biforne.
Line 750
His sergeaunt he cleped sone,
And for his loue, bad hym a bone,
þat bare þe crovne of þorne,
Line 753
To fecche hym enk & parchemyne,
fforto write in latyne
His lijf siþþe he was borne.
Line 756
(64)
¶ His sergeaunt was glad & bliþe;
Enk & parchemyn also swiþe
He fette, & hym bitook;
Line 759
Alexius þo write bigan;
Ak þere was non bifore þan
þat wist he couþe in book.
Line 762
þere-inne he wroot oord & ende,
Hou he fro his wijf gan wende,
And al his kyn forsook;
Line 765
And hou Alex at his partyng,
whan he took his wijf þe ryng,
hou rewly she gan look;
Line 768
(65)
¶ And hou in pilerynage he ȝede,
In hunger, in þorst, in pouere wede,
And in what manere,
Line 771
And hou he sat in grete destresse
Amonge þe pouere, & fenge almesse
Seuentene ȝere;
Line 774
