(60)
¶ wiþ hym þai speken, & hym seiȝen
wiþ her mouþe & wiþ her eiȝen,
ffader & moder & wijf;
Line 711
Nouȝth for þan non hym knew,
Noiþer by hide ne by hew;
Al chaunged was his lijf.
Line 714
His fader he seiȝ often grete,
And his moder teres lete
ffourty siþes & fyue.
Line 717
yuel miȝth hym liken þat seiȝ þis;
his martirdom was strong I-wys,
Of sorouȝ & paynes ryue.
Line 720
(61)
¶ Alexius in al wise
Dude to god his seruise
wiþ stedfast wille in hert,
Line 723
In fastyng, & in orisouns,
In many manere deuociouns
Of peynes þat weren smert.
Line 726
