(58)
¶ Eufeniens bad he shulde be
þere þat he miȝth hym ysee
late and erly;
Line 687
In þe halle he shulde be layd.
was þere non þat it wiþsayd,
Bot graunted hastyly;
Line 690
þai loued hym more þan any man.
To kepe hym wel, he hete hem þan,
And wisten neuer why
Line 693
His wijf hym loued at herte dere;
wel wolde she þat he serued were,
And mychel was hym by.
Line 696
(59)
¶ wiþouten any grucchyng word,
Mete þat was vpon hire bord
þai senten hym to almesse,
Line 699
Riȝth of her owen dissh,
were it flessh oiþer fissh,
while he was in destresse;
Line 702
þus was þe pilegryme yserued þan.
who he was, wist noman,
Gret was his þolemodenesse;
Line 705
ffor ȝif his moder oiþer his wijf
hadden ywist Alexius lijf,
It had ben her gladnesse.
Line 708
