(56)
¶ 'ȝiue me þe crommes of þi table,—
þan doostou dedes merciable,—
And herberewe in þine house;
Line 663
And of Alexius, þi son so fre,
Afterward I shal telle þee,
þat þou helde preciouse:
Line 666
þan shaltou be day & niȝth
Glad, whan þou hym seest wiþ siȝth,
And ek þi trewe spouse.'
Line 669
Eufeniens ansuered þoo,
'I graunt wel þat it be so.
þine bedes ȝif þou wilt ouse.'
Line 672
(57)
¶ To a Man he hym bitook,
þat seke Men couþe wel look,
Nouȝth as a Man of task;
Line 675
To kepe þat Man he bad hym þink,
And brynge hym boþe mete & drynk
whan he wolde ask.
Line 678
'ȝif god wil, my creatoure,
He shal be kepte wiþ honoure,
His peynes forto lask,
Line 681
To seien his bedes, & bidde for me
To veray god in trinite,
fforto he be roted to ask.'
Line 684
