(54)
[folio 24b] ¶ whan Alexius was to londe ygon,
Seyl þai drouȝen vp onon,
And wenten in þe Cee,
Line 639
Al to thars till þai come
ffro þe wicked londe of Rome,
And maden solempnite.
Line 642
Alexius com in-to his owe,
And of his frendes was he nouȝth knowe,
ffor so naked was he;
And als a straunge man he went
To his fader wiþ gode entent,
And seide to hym par charite,
Line 648
(55)
¶ 'Eufeniens, goddes frende,
þou art holden good & hende,
Alesed of gret Almesse!
Line 651
ffor his loue þat was ybete,
And for vs suffred woundes grete,
helpe me in þis destresse,
Line 654
ffor I ne can to no Man gon
Mete to crauen, bot þee on,
No herberewe more ne lesse;
Line 657
Make of me þi bede-man!
And by hym þat þis werlde wan,
þou miȝth haue heuene blis;
Line 660
