(49)
¶ Riȝth so bifel by þoo dawes
By Alexius & his felawes.
Of sorouȝ was her speche;
Line 579
Also sumtyme bifel a cas,
þoo god almiȝtty bad Ionas
To Nyniue gon & preche;
Line 582
Ionas wist wel her wille,
þe folk of niniue weren ille
And wicked for to teche;
Line 585
Away Ionas wolde haue ystole
ffrom goddes hest, & han hym hole;
Ak sone hym fel a wreche.
Line 588
(50)
¶ Ionas wende god bigile,
And wolde haue went to anoþer yle
In þe grikkissh Cee;
Line 591
he gan to shippen atte Ryuage;
wynde aroos wiþ wood rage,
þat sorouȝ it was to see.
Line 594
ffyue dayes euere iliche it lest
wiþ sorouȝ & care, her tempest,
þat seyl ne miȝth þere be.
Line 597
þan seide þe maister 'forsoþe Iwys
Sum cursed Man amonges vs is,
þat wel witen mowe we.
Line 600
(51)
¶ 'we willeþ caste amonges vs alle,
Lott, on whom it may bifalle,
And ouere bord he shal be cast.'
Line 603
And whan þe prophete herde þis,
He þouȝth he had ydon amys,
And was sore agast.
Line 606
þries þai beren aboute þat lot,
Ac on Ionas fel vche grot,
þe first and þe last.
Line 609
þe maister hym þrew ouere bord;
A whal hym swalewe at oo word
ffor oo morsel in hast;
Line 612
