(44)
¶ ffor þat his meryte wolde slake
þat he shulde of god take,
þerfore it liked hym ille.
Line 519
werldes honoure forto flee,
Al by niȝth, in pryuete,
He stale away ful stille
Line 522
In-to þe londe of Galys.
To seint Iames chirche I-wys
he com wiþ gode wille,
Line 525
And þere he sete amonge pouere men,
And beged his mete in þe fen, [folio 24a]
his penaunce to fulfille.
Line 528
(45)
¶ þoo he had þere twelfmonþe ysete
wiþ pouere Men, & begged his mete,
His fadres sergeauntȝ come
Line 531
And souȝtten hym forsoþe I-wys
In pilerynage at Galys,
To bryngen hym to Rome.
Line 534
And whan Alexius hem gan see,
Stillelich he gan flee,
As man of riȝt wisdome:
Line 537
In-to thars he þouȝth fare,
And at þe Royn he fonde ȝare
A shippe þat was al tome,
Line 540
