(42)
¶ þe sergeauntȝ stirten out skeet,
þai founden hym, & kisten his feet,
And mercy þai hym cryde,
Line 495
And ledden hym in-to holy chirche,
Goddes werkes forto wirche,
þereinne to abide.
Line 498
Of þe gode mannes loos
þe miracle & þe cry aroos
Ouere al in vche syde;
Line 501
Michel poeple þider ran,
Of þe miracles þat herden þan,
Of cuntrees fer & wyde;
Line 504
(43)
¶ And worschiped hym in word & dede,
Alle þat miȝtten in lengþe & brede;
And duden hym gret honoure,
Line 507
And beden hym, boþe day & niȝth,
He bere her erande to god almiȝth
þat is oure saueoure.
Line 510
þo was Alexius swiþe woo
ffor þat he was honoured soo,
And made grete doloure;
Line 513
For swiche honoure & swiche glorie,
As it is writen in his storye,
He ne loued in toun ne toure.
Line 516
