(40)
¶ þe sergeauntz lepen out in hast,
As men þat weren sore agast,
And ful of grete drede
Line 471
Of þe ymage þat to hem spak
Of goddes sergeaunt wiþouten lak
þat sat in beggers wede.
Line 474
wyde aboute þai hym souȝth,
And ȝut founden þai hym nouȝth
Amonge þe pouere felawrede;
Line 477
And whan þai nouȝth hym fynde miȝth,
To þat ymage onon riȝth
Hastilich þai ȝede,
Line 480
(41)
¶ To þat Maryole wiþ teres clere,
And bisouȝth hir on þis manere,
'þat she sent hem grace
Line 483
Goddes man hou þai shulden knowe,
þat had ben heiȝe & bare hym lowe,
And where he sat in place.'
Line 486
þe ymage spaak ofte wordes newe,
'I ȝou hote, sergeauntȝ trewe,
Aȝein[ward] þat ȝee pace;
Line 489
Amonge þe pouere he sitteþ, to-tore
Boþe bihynde & bifore,
wiþ a lene face.'
Line 492
