(38)
¶ Lordynges, ȝee þat willeþ lere,
a faire miracle ȝee mowen here:
Bifore þat self ymage,
Line 447
þere þat Alexius sate
wiþ pouere men in þe gate
As a pouere page,
Line 450
þe ymage, þat aungels gonne wirche,
Spaak to þe serieauntz of þe chirche
þere she stood on þe stage,
Line 453
And hete hem alle wiþouten lettynge
Goddes sergeaunt to chirche brynge
wiþouten any outrage.
Line 456
(39)
¶ 'He is riȝth stedfast of lijf;
His werkes shullen ben made rijf
Ouer al fer & neere.
Line 459
þe holy gost wiþinne hym rest;
Charite sitteþ in his breest,
Brennande as fyre.
Line 462
Longe in pouerte his lijf he haþ led;
He ne com neuere in no bed
þise seuentene ȝere;
Line 465
His holy lijf, bot god alone,
Ne woot non in þis werldes wone;
To seintȝ he may be pere.'
Line 468
