Adam Davy's 5 dreams about Edward II. The Life of St. Alexius. Solomon's book of wisdom. St. Jeremie's [Jerome's] 15 tokens before doomsday. The Lamentacion of souls. Ed. from the Laud ms. 622 in the Bodleian library by F.J. Furnivall

                                
                                  Elye þerinne went; þat hors hym drouȝ vp on heiȝ
                                  Line 201 
                                
                                  In þe cart to heuen; þat men neuer eft hym ne seiȝ.
                                
                                  // Riȝth to heuen ne segge ich nouȝth; þat he euer come,
                                
                                  For he schal haue fleschlich lyf; forto aȝeins þe day of dome.
                                
                                  We rede nouȝth bot of two Men; þat hennes alyue went,
                                  Line 205 
                                
                                  Enok & Elye; as god hem after sent.
                                
                                  Boþe þai wonen in paradys; & boþe þai schullen aliȝth
                                
                                  Aȝeins þe day of dome; & wiþ antecrist fiȝth.
                                  Line 208 
                                
                                  Anticrist hem schal boþe sle; & siþþen þai schullen wende
                                
                                  To þe blisse of heuen; & wonen þere wiþouten ende.
                                
                                  ÞO Ely in þis fair cart; to heuen was ylad, [folio 70b]  [Elye] 
                                
                                  Elisee his felawe; was sory, & nouȝth glad.
                                  Line 212 
                                
                                  He ȝede to don his prophecie; in þe londe of Ierico:
                                
                                  Þere he fonde a liþer welle; þat many man dude wo,
                                
                                  ffor it wolde wex & sprede; wide & brode ilome,
                                
                                  Ne miȝth þe erþe bere no fruyt; þere þe water come.
                                  Line 216 
                                
                                  Þe prophete blissed salt; & in þe watere cast;
                                
                                  Þe liþerhede þat þerinne was; miȝth no lengere last;
                                
                                  It bicom þe best watere; þat euer miȝth ben;
                                
                                  Al þat it comeþ-neiȝ; þe bettere schal þeen.
                                  Line 220 
                                
                                  ffor þe miracle þat men þo say; þat white salt had ydo,
                                
                                  Whan þe preest makeþ haliwater; salt he doþ þerto.
                                
                                  A Womman cried on Elisee; as sche hym mette, [Eliseus] 
                                
                                  & seide, men took al hir good; for hire hosebonde dette,
                                
                                  & þat sche nadd nomore good; bot Oile alite.
                                  Line 225 
                                
                                  Elisee bad hire take þerof; & in vche vessel it pite
                                
                                  Þat sche had in al hire hous; & þo sche had ydo þis,
                                
                                  Euerich vessel was ful; of good oyle Iwis.
                                  Line 228 
                                
                                  Þis womman had þer þorouȝ; ynouȝ of al good
                                
                                  fforto ȝelde her dettes; & to hire lyues food.
                                
                                  It bifel þat men of Babiloyne; weren of liþer bileue:
                                
                                  Þai honoureden a fals god; a morewe & ek an eue.
                                  Line 232 
                                
                                  A Wise prophete was in þat londe; þat hiȝth Danyel. [¶Danyel.] 
                                
                                  He com & told þe kyng 'fore; his men bileueden noȝt wel.
                                
                                  Ȝiue me power ouer hem; & ich hem wil bringe of dawe.'
                                
                                  Þan seide þe kyng to hym; "þat were no wise lawe."

                                  Line 236

About this Item

Title: Adam Davy's 5 dreams about Edward II. The Life of St. Alexius. Solomon's book of wisdom. St. Jeremie's [Jerome's] 15 tokens before doomsday. The Lamentacion of souls. Ed. from the Laud ms. 622 in the Bodleian library by F.J. Furnivall
Canvas: Page 88
Publication: London,: Pub. for the Early English text society, by N. Trübner & co.,; 1878.
Subject terms: English poetry; Edward -- King of England, -- 1284-1327.; Solomon, -- King of Israel.

Technical Details

Collection: Corpus of Middle English Prose and Verse
Link to this Item: https://name.umdl.umich.edu/aha2711.0001.001
Link to this scan: https://quod.lib.umich.edu/c/cme/aha2711.0001.001/390

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:aha2711.0001.001

Cite this Item

Full citation: "Adam Davy's 5 dreams about Edward II. The Life of St. Alexius. Solomon's book of wisdom. St. Jeremie's [Jerome's] 15 tokens before doomsday. The Lamentacion of souls. Ed. from the Laud ms. 622 in the Bodleian library by F.J. Furnivall." In the digital collection Corpus of Middle English Prose and Verse. https://name.umdl.umich.edu/aha2711.0001.001. University of Michigan Library Digital Collections. Accessed June 8, 2025.

Adam Davy's 5 dreams about Edward II. The Life of St. Alexius. Solomon's book of wisdom. St. Jeremie's [Jerome's] 15 tokens before doomsday. The Lamentacion of souls. Ed. from the Laud ms. 622 in the Bodleian library by F.J. Furnivall

Annotations Tools

Actions

About this Item

Technical Details

Rights and Permissions

Related Links

IIIF

Cite this Item