Adam Davy's 5 dreams about Edward II. The Life of St. Alexius. Solomon's book of wisdom. St. Jeremie's [Jerome's] 15 tokens before doomsday. The Lamentacion of souls. Ed. from the Laud ms. 622 in the Bodleian library by F.J. Furnivall

                                
                                  Þere oure lorde spak wiþ hym; & hete hym good lyf lede,
                                
                                  And wende aȝein to israel; & noþing ne drede.
                                  Line 168 
                                
                                  "// A Man þat hatte Elisee; by þe waie þou schalt fynde;
                                
                                  Þou schalt hym take forþ wiþ þe; þat he ne leue bihynde."
                                
                                  Elie þe prophete went forþ; til he in-to desert cam.
                                  Line 171 
                                
                                  He fonde Elyse gon on þe pleyn; with hym forþ he hym nam
                                
                                  To þe londe of israel [MS. isrk.] ; þai nadden of þe kyng non eye.
                                
                                  Elise fonde anoþer prophete; & þider þai wenten beie.
                                
                                  Þo lay þe kyng sore seek; & þo it was hym ysed,
                                
                                  Elye tolde his messagers; þat he schulde be ded.
                                  Line 176 
                                
                                  He hete his men wende after hym; þat þai sparen ne scholde;
                                
                                  He wende, ȝif he miȝth hym haue hadd; þat he hym hele wolde.
                                
                                  Þei wenten forþ & comen to Elye; "goddes man" þai seide:
                                
                                  "Þe kyng hete þe come & speke with hym; ȝif þou couþest hym rede."
                                  Line 180 
                                
                                  Elie seide "ȝif ich am goddes man; I. bid god al-one,
                                
                                  Þat wilde fire come fram heuen adoun; & brenne ȝou vchone."
                                
                                  Amyd þis word onon; fire fram heuen com,
                                
                                  And brent þise men al to dust; þere was an hard dom.
                                  Line 184 
                                
                                  Sore alonged was þe kyng; after hym ylome;
                                
                                  Tueie he sent of oþer men; þo þai nouȝ[th] ne come.
                                
                                  Þai seiden as þe oþer deden; þo þai Elye seie;
                                
                                  And as þe oþer þai weren serued; ibrouȝth on liȝth leie.
                                  Line 188 
                                
                                  þo þai ne comen nouȝth aȝein; þe kyng þouȝth longe,
                                
                                  And lete sende after hym; wise men & stronge.
                                
                                  // Ȝerne þai crieden mercie; þo þai Elye seiȝe:
                                
                                  "Haue mercy on þe kyng; or elles he schal diȝe."
                                  Line 192 
                                
                                  Þerof seide Elye; "Siker he may be.
                                
                                  Ac, forto paye his corage; ich wil hym ones see."
                                
                                  Elye went forþ to þe kyng; & seide he schulde be ded;
                                
                                  And sone he died þerafter-ward; as he had ysed.
                                  Line 196 
                                
                                  Elie & Elisee in þe londe; wide aboute went,
                                
                                  For to tellen of prophecie; as oure lorde hem sent.
                                
                                  As þai precheden goddes lawe; from heuen þere aliȝth
                                
                                  A fyry hors & a cart;—boþe þai weren wel briȝth;—

                                  Line 200

About this Item

Title: Adam Davy's 5 dreams about Edward II. The Life of St. Alexius. Solomon's book of wisdom. St. Jeremie's [Jerome's] 15 tokens before doomsday. The Lamentacion of souls. Ed. from the Laud ms. 622 in the Bodleian library by F.J. Furnivall
Canvas: Page 87
Publication: London,: Pub. for the Early English text society, by N. Trübner & co.,; 1878.
Subject terms: English poetry; Edward -- King of England, -- 1284-1327.; Solomon, -- King of Israel.

Technical Details

Collection: Corpus of Middle English Prose and Verse
Link to this Item: https://name.umdl.umich.edu/aha2711.0001.001
Link to this scan: https://quod.lib.umich.edu/c/cme/aha2711.0001.001/389

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:aha2711.0001.001

Cite this Item

Full citation: "Adam Davy's 5 dreams about Edward II. The Life of St. Alexius. Solomon's book of wisdom. St. Jeremie's [Jerome's] 15 tokens before doomsday. The Lamentacion of souls. Ed. from the Laud ms. 622 in the Bodleian library by F.J. Furnivall." In the digital collection Corpus of Middle English Prose and Verse. https://name.umdl.umich.edu/aha2711.0001.001. University of Michigan Library Digital Collections. Accessed June 8, 2025.

Adam Davy's 5 dreams about Edward II. The Life of St. Alexius. Solomon's book of wisdom. St. Jeremie's [Jerome's] 15 tokens before doomsday. The Lamentacion of souls. Ed. from the Laud ms. 622 in the Bodleian library by F.J. Furnivall

Annotations Tools

Actions

About this Item

Technical Details

Rights and Permissions

Related Links

IIIF

Cite this Item