(30)
¶ His kynrede com þere hym biside,
þat had ysouȝth hym fer & wide,
& ȝaf hym her Almesse,
Line 351
As he sat amonge þe pouere,
In grete meschief & stronge to couere,
ffor hunger in wrecchednesse.
Line 354
Sore of hym þai gonnen rewe,
Stille he satt, & wel hem knewe,
Her names more & lesse.
Line 357
Ychaunged was his faire hewe
þorouȝ reyn & wynde þat on hym blewe,
And oþer stronge destresse.
Line 360
(31)
¶ whan þai miȝtten nouȝth spede,
Ne hym of axen in no þede
Ne in no londe of take,
Line 363
wiþ sorouȝ þai gradde, allas! allas!
And wenten to Rome, þe riȝth pas,
her sorouȝ miȝth nouȝth slake.
Line 366
Alexius noþing þouȝth,
Bot on Iesu crist he þouȝth,
And grete ioye he gan make
Line 369
ffor he ne was nouȝth biknowe
Of his frendes heiȝe ne lowe,
His welþe gan a-wake.
Line 372
