Swete Iesu, heuene sire,
warisshed he is þat wil þe desire
ffrom þe fende sathan.
Line 321
wel is hym þat suffren may
ffor þi loue niȝth oiþere day,
Peyne þat paie þee can.'
Line 324
(28)
¶ whan noþing nas hym bileued,
And he fer from his frendes to dreued,
his cloþes weren to rent.
Line 327
Amonge þe pouere in þe chirche hawȝe
he begged, & was her felawȝe,
And took þat god hym sent.
Line 330
Almesse þat god hym ȝeue,
þe pouer þat wolde þere bileue
wiþ hym in present,
Line 333
He ȝaf þat haluendel & more,
And was hym-self of hungred sore,
And took it in good entent.
Line 336
(29)
¶ Euery sonenday houseled he was,
And shryuen also of vche trespas
þat fel to any synne.
Line 339
Michel he waked & litel he sleep,
Of þat he shulde his body wiþ kepe,
Litel hym com wiþinne.
Line 342
ffrom þe tyme he took his tourne
ffrom Rome, þere he was borne,
he was souȝth of his kynne
Line 345
In alle cuntrees, in euery toun,
In chirche, in felde, vp & doun,
ffor nouȝth wolde þai blynne.
Line 348
