¶ þe blynde come to har siȝt,
þe crokede gonne sone riȝt,
þe lame for to go;
Line 579
þat dombe were fenge speche,
þeȝ herede god, þe soþe leche,
And þat halwe al-so.
Line 582
¶ þe day ȝede, and drouȝ to-nyȝt,
No lenger dwelle hy ne myȝt,
To cherche hy moste wende;
Line 585
þe bellen hy gonne to rynge,
þe clerkes heȝe to synge,
Euerich in his ende.
Line 588
¶ þo þe cors to cherche com,
Glad hy were euerichon,
þat þer-ynne were.
Line 591
þe Pope and þe emperour,
By-fore an auter of seint sauour,
¶ þer sette by þe bere.
Line 594
