¶ So moche sorwe þer was,
Bote who-so hadde a tonge of bras,
Ne myȝte he it telle.
Line 561
þe day him was al-mest y-do,
þe Pope and þe emperour al-so
Ne myȝte lenger dwelle.
Line 564
¶ þat lich hy lete by-wake, and shrude
With palle and with oþer prude,
þat hy founde þere.
Line 567
With mochel liȝt, and mochel song,
þat holy cors hem alle among,
Bischoppis to cherche bere.
Line 570
¶ Amyddes riȝt þe heȝe strete,
So moche folk hy gonne mete,
þat hy resten a stounde.
Line 573
Alle þe sike þat to him come,
I-heled were swiþe sone,
Of fet and ek of honde.
Line 576
