Ofte it fel in his mende
Of his fader & moder hende,
þat souȝth he schulde bene.
Line 273
He wolde for none kynnes þing
þat Men hadden of hym knouyng,
þerfore he gan to flene.
Line 276
(24)
¶ ffrom þat cuntre swiþe he ȝede,
To-ward Surrie in feble wede,
þat noman shulde hym knowe.
Line 279
þere he duelled in grete pouerte,
In hunger, in þorst, & oþer smerte,
þat many man it sowe.
Line 282
þe Cee of grece passed he is,
In-to þe Cite of Annys,
He com þat ilk þrowe.
Line 285
God he bitauȝtte his compaignye,
And ȝede to a chirche of seint Marie
wiþ herte meke and lowe.
Line 288
