(22)
¶ At a Cite Galys men calle
To londe þai gonnen aryuen alle,
wiþouten enpeirement.
Line 255
Alexius of hem took leue,
And worschiplich þai hym ȝeue:
To chircheward he went.
Line 258
He þanked god wiþ good wille
Erly & late, loude & stille,
þat þider hem hadde sent.
Line 261
He bisouȝth god, & gan to wepe,
þat from þe fende he shulde hym kepe
And his enticement.
Line 264
(23)
¶ þus he þat had riche wedes,
Heiȝe hors, & gode stedes,
And Armes briȝth & shene,
Line 267
Al he leet þe godes gret,
And went on his bare feet,
his soule to make clene.
Line 270
