þis child wax, and wel y-þeȝ,
Cristis help him was neȝ,
And þat was wel y-sene;
Line 57
ffor more he lernede [[MS. sernede]] in one ȝere
þan eny of his oþere fere
Dede in ȝeres tene.
Line 60
¶ ffor sone þis child him vnderstod
þis worldis blisse was noȝt guod,
þe man þat him vnderstode,
Line 63
Worldes wele he forsoke,
And to iesu crist him toke,
þat do was on þe rode.
Line 66
He by-soȝte nyȝt and day
Heuene kynge, þat al þynge may,
He ȝeue him strengþe & myȝte
Line 69
¶ Aȝens þe fend þat is a-boute,
To brynge vs in euel route,
Gostlich to fyȝte.
Line 72
