To þe chirche of seint Bonefas
wiþ þis maiden þai token þe pas,
þat heiȝe was of paraile;
Line 165
As custume was & shulde be,
þai maden gret solempnite,
þe Pope & his conseile.
Line 168
(15)
¶ Alexius was shamefast,
And of weddyng he was agast,
his vijs al pale bywent;
Line 171
Leuer hym were to be ded
þan haue ytrowed þat ilk red
By his owen assent.
Line 174
He ne wist what he miȝth don;
fful gret sorouȝ com hym on,
he helde hym-self shent.
Line 177
To god he gan hym al affye,
And to his moder seint Marie,
Trewely, wiþ gode entent.
Line 180
