(13)
¶ His fader was boþe wijs & ware,
ffor þat his son so wel hym bare,
he loued hym al his lijf.
Line 147
he þouȝth to don swiche puruyaunce,
whar-wiþ he miȝth hym avaunce
And wynne hym a wijf.
Line 150
To a riche prince his son he sent,
And afterward to hym he went,
Stille wiþouten strijf:
Line 153
A douȝtter he had, briȝth & shene,
þe heritage shulde hires bene
Of Castel & londes rijf.
Line 156
(14)
¶ whan ayþer herd oþeres wille,
And speken þerof to-gedre stille
To make þat sposaile,
Line 159
Of þe tyme comen was þe day
To fulfille wiþouten delay,
Certeyn, wiþouten faile,
Line 162
