[folio 116b] ¶ No lenger to hele of he brak,
þe ȝongman to his bride spak,
with wel fair bere:
Line 129
'Lemman, haue goday,
No lenger I ne may
wiþ þe leuen here.
Line 132
// Wende I. mot fer of lond,
& suffre tene & peines strong,
my sinnes to bete.
Line 135
Boþe I. mot, for godesake,
ffader & moder myn forsak,
& þe þat art so suete.'
Line 138
// þo she hadde herde þis tale,
Al hir blis turned to bale,
y.-swowe she fel to gronde.
Line 141
þo she of swounyng ros,
Atterliche hir agros
with care she was y-bound.
Line 144
