¶ his bone herde þe King of heuen,
& spak to him wiþ mylde steuene,
& seide, 'Alexijs,
Line 75
To-day þou may bliþe beo,
þi bone I. grante þe,
& a sete in heuen blisse.
Line 78
¶ And .I. þe do to vnderstonde,
þat þou most þole shame & shonde,
al for my sake.
Line 81
Into vnkouþ lond þou most wende,
Sone I. wile þe þider sende,
& al þi kin forsake.
Line 84
Into vnkouþ lond þou shalt fare,
& suffre myche tene & care,
& al for loue myn;
Line 87
& sithen þou shalt aȝein come,
& in þi fader hous wone,
& þer-in haue goed fyn.'
Line 90
