¶ þis child wex & wel they,
Cristes help him was ney,
& þat was wel y.-sene;
Line 57
for more he lerned in on ȝer
þan any of his oþer fere
dide in ȝeres tene.
Line 60
// As sone as he vnderstod
Werldes blisse nas not god,
Who it vnderstode,
Line 63
Werldes wele he forsok,
& to Iesu. Crist him tok,
þat deyede on þe Rode.
Line 66
// he besought nyght & day
heuen king, þat al wel may,
ȝeue him strength & mygh[t]e
Line 69
Aȝein þe feond þat is aboute
to bring his soule in gret doute,
gostliche to fighte.
Line 72
