¶ þo þe child y.-bore was,
þei þonked Crist of his grace
wiþ glad chiere.
Line 39
Also as þe wone was,
As þei coude with softe pas,
to chirche þei it bere.
Line 42
// þo þis child to chirche com,
To afong Cristendom,
as þe ryght is,
Line 45
his fader & his moder þo
Swiþe bliþe were bo,
& cleped it Alexijs.
Line 48
¶ þei nadde bot þilk sone,
therfore as it is þe wone,
þei loued it þe more.
Line 51
þo he was old, ȝeres seuen,
þei him wissed with mylde steuen,
& sette him to lore.
Line 54
