(8)
¶ Men þat ȝeden in pilerinage
And Men of ordre [[MS. oydre]] , was his vsage
Often forto fede. [folio 22a]
Line 87
Dame Agloes hiȝth his spouse,
Her dedes weren wel preciouse
Holy lijf to lede.
Line 90
She was fair honeste & wijs,
Louelich, & of gret prijs,
Ycome of gode kynrede;
Line 93
Aȝeins no Man she mystook,
wiþ contenaunce ne wiþ look,
Noiþer in word ne dede.
Line 96
(9)
¶ Barayne was þat gode wijf,
In sorouȝ she ledde her lijf,
ffor she no childe hadde.
Line 99
hir lorde for þat ilk þinge
Ofte his honden gan to wrynge,
And sorouȝful lijf he ladde;
Line 102
