Riche he was of grete honoures,
Of londes, Castels, & of toures;
Men speken of hym ylome
Line 69
In alle þinges wiþouten strijf;
Vche man he tauȝtte holy lijf
To his court þat come.
Line 72
(7)
¶ Stronge he was in armes & liȝth,
Aȝeins Erle, baroun, & kniȝth,
his lordes riȝth to defende;
Line 75
þerfore hym loued þe Emperoure,
And made hym maister & gouern|oure
Of his tresore to spende.
To his somouns in armes clers
Two þousandes he had of bachelers,
þat curteis weren & hende,
Line 81
And alle yshred in cloþes of golde,
None fairer miȝtten ben on molde,
In þe werldes ende.
Line 84
