Alle manere turmenz huy him duden : þat huy miȝthten on bi-þenche :
huy ne miȝthten him nouȝt ȝeot enes make : fram god is þouȝt blenche.
¶ Ase huy weren with al heore miȝte : a-boute him [al. om.] faste and longue
For-to defouli þis holie man : with tormenz harde and strongue,
¶ Þe Aumperores o cosin : þat of gret power was, [folio 32b]
Line 86
In-to toune cam þulke time : ase it feol bi cas.
Þe giwes weren so sore a-drad : laste he hem bi-nome
Line 88
Þoruȝ strencþe seint Barnabe : and ladde him to rome :
A-niȝht huy nomen þis holie man : ase he was to-raunsed so,
And teiden ane rop a-boute is necke : and knutten him faste þerto
And drowen him out of heore synagoge : with seoruwe and pine i-novȝ,
Line 92
And sethþe al-so bi þe sweore : out atþe ȝate men him drovȝ
And mauden a-boute him swiþe gret fuyr : and barnden him al-to nouȝte.
his soule wende to þe Ioye of heouene : þat he wel deore a-bouȝte.
¶ Þo nomen þe luþere men heore red : ȝwanne huy miȝten atþe laste,
his bones þat weren bi-left vn-barnd : a-midde þe .se. to caste.
Ake cristine Men þat weren bi-side : stelen to bi niȝte
And bureden as wel stilleliche : with ase gret honour ase huy miȝte.
Nov bidde we ȝeorne ihesu crist : king of alle kinge,
Line 100
For loue of seint Barnabe : þat he us to heouene bringue.
14 Ioh[an] Baptist
SEint Iohan was þe beste bern : þe holie baptist,
Þat euere of womman was i-bore : with-oute ihesu crist.
Ake of al þat he on vrþe was : we ne findez nouȝt i-write
Þat he ani Miracle dude : þat man miȝhte vnder-ȝite.
Line 4
Mani men þinchez þerof wonder : so guod man ase he was;
For manie miracles sum oþur dude : þat fulliche so holi man nas.
Ake al it was for þe luþere giwes : þoruȝ ore louerdes wille so :
For ȝif he hadde here on eorþe : ani miracle i-do,
Line 8
Þo giwes wolden habbe i-went : þat he ore louerd were,
For he bi-gan ferst cristindom : and þat folk þer-to lere.
Þare-fore ore louerd dude miracles : and ne liet him do non,
For þe giwes scholden i-wite : ȝwuch he were ech-on.
Line 12
