¶ Seint Austin and alle his : A swyþe fair woniingue
In þe toun of Douere he heom ȝaf : to makie inne heore prechingue.
Seint Austin and is felawes also : bi-gonne to prechie faste,
So þat some þat guode weren : to heom heore heorte caste
Line 70
And turnden heom to cristindom : and euere þe leng þe mo;
So þat þut folk a-boute heom cam : ase þicke ase huy miȝten go.
Line 72
heore dede sprong so wide sone : þat to þe king it cam
Þe faire miracles þat huy duden : as huy precheden cristindom.
¶ He wende and heorde eft heore prechingue : and seiȝ þat hit was guod;
"To longue," he seide, "ich habbe a-bide : ar ich þis vnder-stod."
Line 76
he turnde him to cristindom : and liet him baptisen anon
And biliefde on ihesu crist : and is Men ech-on.
Erchebischop of Caunterburi : þe furste þat euere cam,
Seint Austin huy maden þo : to holde up cristindom.
Line 80
¶ Seint Austin brouȝte cristindom : þus into Enguelonde—
Wel auȝte we his [dai] Anouri : ȝif we weren wel vnderstonde. [folio 31b]
¶ His day is toward þe ende of May : for in þat day he wende
Out of þis lijf to ihesu crist : þat after him þo sende.
Line 84
Bidde we ȝeorne seint Austin : þat cristindom so brouȝte,
Þat we moten to þulke Ioye come : to ȝwan ore louerd us bouȝte.
13 Barnabe
SEint Barnabe þe Apostle : þat guod was and hiende,
I-Martred he was for godes loue : in strongue deþe atþenende.
After þat ore swete louerd : to heouene gan i-wende,
Þe Apostles precheden cristindom : ase he heom gan wit siende:
Line 4
¶ Seint Barnabe i-saiȝ þo : þat his bi-leue nas nouȝt:
he turnde sone to þe Apostles : and to ore louerd al is þouȝt.
Of lond he hadde ane grete feld : and he it solde wel faste,
to þe Apostles he wende anon : and to heore fet þe panes caste
Line 8
And for-sok al þis world [r. worldes] guod : and heore felawe bi-cam,
And I-martred he was with heom : for loue of cristindam.
Sethþe þo seint powel : to þe Apostles wende,
Þe Apostles ne lefden it nouȝt : þat ore louerd him to heom sende,
Line 12
Ake wenden þat he a gylur were : so þat hit was longue—
