gret miracle þare cam alday : of þulke swete blode;
Line 568
So þat it was in-to manie studes : I-fet, wide and side,
Þat it is nouþe for relikes i-holde : in mani a lond wel wide.
In mani stude men seggez it is : of ore louerdes owene blode;
Ake in eche stude it may wel beo : among oþere relikes guode.
Line 572
A Giv þare cam to Rome ȝwilene : þat ne miȝte herebeorewe non i-winne:
In an old hous [MS. hous hous] he lay him a-doun : feor fram euerech Inne.
For he was in so wilde stude : of þe deuel he dradde him sore.
he þouȝte hou cristine men heom wusten : fram þe deoueles lore:
Line 576
With þe croiz he blessede him al-a-boute : an-auntre ȝwat him bi-tidde,
Þei he þare-on ne bi-liefde nouȝt : and lay doun him-seolf a-midde.
A gret deouel þere cam In at mid-niȝt : ase þei it a maister were,
And oþur deuelene with him i-nowe : ane chaiere with him huy bere,
Þare-oppon huy setten þis grete maister : and he heom eschte a-non
Ech after oþur of heore dedes : and ȝware-a-boute huy hadden i-gon.
Þo euerech hadde i-ȝolde a-countes : of schreu-hede huy hadden ido,
Þe maister lokede him bi-side : þane giv he i-saiȝ al-so.
Line 584
"Ȝwat is," he seide, "þilke maister : þat ich in þulke huyrne iseo?
ho made him so hardi and so wod : at oure a-counte to beo? [folio 29b]
goth forth a-non and fetteth him hider! : we schullen maken him with us telle."
So sore werth þe giv a-drad : þat he werth neiȝ out of is felle.
Line 588
Þo þe deuelene comen toward him : huy ne miȝten come him neiȝ,
Ake ech of heom a-drad was sore : þo he þat creoiz i-seiȝ.
"Ȝwat nou?" quath þis bolde maister : "ȝwy ne habbe ȝe him i|brouȝt?"
"Sire, merci," þis oþere seiden : "we ne mowen come neiȝ him nouȝt:
he is in a veteles þat ampti is : ake with-oute i-armed faste."
Þo flouwen þe deuelene for þe croiz : þat sore huy weren a-gaste.
Þe giv bi-liefde in godes sone : þat on þe rode was i-do,
And liet him cristni al-so sone : so he miȝte come þer-to.
Line 596
A Nonne þare was of on Abbeie : þat in a day hire ȝeode pleiȝe.
A fair herbe, þat men cleopez letuse : heo i-saiȝ stonde bi þe weiȝe:
In hire mouth heo pulte þarof a lef : and ne blessede it nouȝt er:
