Louerd, muche is þi miȝte : ase men miȝten þare i-seo,
þat ani man miȝte in þe wallinde led : so longue harmles beo!
Line 72
¶ þo Dacian þis i-seiȝ : his wit him was neiȝ bi-nome;
"Mahun," he seide, "hov geth þis? : ȝware is novþe þi miȝte bi-come?
Ȝwane I-ne may þis foule þeof : ouer-come in þusse wise,
I schal bi-nime him sone is lijf : þare he ne schal neuere a-rise."
Line 76
his dom he gan to ȝiue a-non : þat huy seint George nome
[folio 131] And drowen him þoruȝ-ovt [out superscribed.] al þe toun : for-to-huy with-oute come,
[& þat] [om. in the MS.] huy smiten of his heued : with-oute þe toun atþe laste,
And is bodi þare in sum foul place : to wilde bestes it caste.
Line 80
Þo þis dom was þus Iȝyue : hit nas nouȝt i-lete :
huy nomen and drowen þis holie man : villiche þoruȝ þe strete,
Forto huy comen with-oute toun : þare huy wolden is heued of smite.
heore wepne huy drowen forth and ȝwetten hem : kene forto bite.
Line 84
"Leoue breþren," seint George seide : "one stounde a-bidez ȝuyte,
For-to ich habbe to Iesu crist : mine bone i-bede a luyte."
¶ his hondene he heold up on heiȝ : a-doun he sat on kneo,
And seide, "swete louerd Iesu crist : þat alle þing miȝt i-seo,
Line 88
graunte me, ȝif þi wille is : þat, ho-so in guode manere
halewez mine day in Aueril : for mi loue on eorþe here,
þat þare ne falle in þat hous : no qualm in al þe ȝere,
Ne gret sijknesse ne hongur strong : þat þarof beo no fere;
Line 92
And ho-so in perile of þe se : to me bit is bone,
Oþur in any oþur stude perilous : louerd, þov helpe heom sone!"
¶ þo i-heorden huy a voiz in heuene : þat to him seide, i-wis :
"Mi blessede child, cum here forth to me : þi bone i-heord is."
Line 96
þo is heued was of i-smite : ase al þat folk i-seiȝ,
Aungles nomen is swete soule : and to heuene beren on heiȝ.
þare he is in grete Ioye : þat last with-outen ende.
Nov god for seint Georges loue : late ore soule þudere wende.
Line 100
44 Vita sancti Eadmundi regis.
SEint Eadmund þe holie kyng : i-bore was here bi este [The half-lines al. transposed.]
In þe on ende of Engelonde : of ȝwam Men makiez feste;
For of southfolke he was kyng : and of þe contreie wel wide.
Þare weren in Enguelonde þo : kyngus in fale side.
Line 4
