And Ine blessede nouȝt mi drinke : and a swuch mot þare was Inne,
And with þat drinke þat ich dronk : it schet me sone with-Inne.
Euer-eft he hath I-greued me. : ore louerd fram me him bringue!"
Ase huy tolden here-a-boute : to Matynes huy gonne ringue.
¶ "Out, out," quath þe deuel þo : "a-wei ich mot gon :
Line 208
þis þeues with þis wide hodes : a-rise wollez a-non,
And I-ne dar nouȝt a-bide heore song : adrad ich am wel sore."
he fleu out of þis selie man : and ne cam neiȝ him non-more.—
As þe holie man seint Domenic : and his felawes come
Line 212
with-oute Tolouse bi a watur : ase huy hadden er i-lome, [folio 126b]
heore bokes fullen into þe watur : and sonken a-non to grounde.
huy wenden forth in heore wei : þo huy ne miȝten beon i-founde.
þare cam þane þridde day : a fischare with is ginne
Line 216
And caste is nettes in þat watur. : þo felde he heui with-Inne.
þouȝte he, "here is fisch i-nouȝ" : and bi-gan to drawe faste :
þe holie manness bokes it weren. : þo huy comen forth atþe laste,
Also sounde huy weren and druye : ase huy euerer were;
Line 220
For al þat huy leien in þat watur : no-þing þe worse huy nere.—
¶ At one tyme seint Domenic : at rome was i-sete,
And fourti of is freres al-so : with him to þe mete.
huy nadden bote a luyte bred— : wel luyte was þe lestes,
Line 224
And alle huy maden heom also Ioifole : ase huy weren at one feste.
Ake natheles huy weren of-hungrede sore : þei huy so glade were.
þo comen þare tweie children In : with wel milde chere;
Abite of freres huy hadden up-on : fairore neuere nere :
Line 228
In heore lappene huy brouȝten mete : ant to seint Domenic hit bere.
þo huy hadden him þis mete i-take : huy nusten ȝware huy bi-come.
þis freres maden heom glade I-nouȝ : and wordeliche forth it nome.—
¶ A dai, as þis holie Man : in þe Contreie we[n]de,
Line 232
þat lodlokeste weder þat miȝte beo : ore louerd ouer him sende.
he bi-gan to maken is oresun : his felawe was in doute.
þat weder bi-gan to reinie faste : in eche side a-boute;
Ake sone it ȝaf him roume [V. Ac hit bigon to ȝiue him] wei : and al-a-boute with-drawe,
Line 236
þat bi fif fet it ne cam nouȝt him neiȝ : ne al-so neiȝ his felawe.
BI-side þe Cite of Toluse bi a watur huy come.
A man ladde heom ouer In a schip : ase he dude oþere i-lome.
