he let burien faire seint Cristofre : and bi-liefde on god a-non
and let him cristni in godes lawe : and is men ech-on.
Þus seint Cristofre þene hexte louerd : at þe laste of-souȝte.
God us bringue to þulke Ioye : þat he is soule brouȝte.
Line 224
41 ¶ Vita sancti Dominici confessoris.
SEint Domenic, þe holie frere : in spayne was i-bore, [folio 124]
In þe toune of Caylre— : wel guod was þe more:
Sire felice is fader het : is moder dame Ione.
glad was þe Moder of þe sone : þat for him gan ofte grone.
Line 4
Þeo ȝwile þat þis holie child : in is Moder wombe was,
hire þouȝte, ase heo lay a-slepe : ase ore louerd ȝaf þat cas,
þat heo bar in hire wombe a best : þat faireste in any lond,
And þat best bar riȝt in is Mouth : ane berninde brond;
Line 8
þe brond in þusse bestes mouth : þo it was of hire i-bore,
Schon so þat al cristine-dom : þe briȝtore was þare-fore,
And so wide so was cristinedom : And þare was so deork so nyȝt
þe brond in þe bestes Mouþe : hire þouȝte ȝaf gret liȝt.
Line 12
þo þat child was i-bore : and i-brouȝt to cristin-dom,
Al-so bi-feol þat a guod lauedi : þat him of watere nam,
þouȝte þat þare was a steorre : In his fore-heued so briȝt,
þat þoru-out al cristine-dom : schon and ȝaf gret lijȝt.
Line 16
Ȝwat was þis schiningue of þis child : bote þat he scholde bringue
to godes lawe Mani a man : þoruȝ is guode prechingue,
And þat he scholde an ordre make : of frere prechours, þat ȝet is;
þat þare-þoruȝ al cristine-dom : a-mendi scholde, i-wis?
Line 20
þis child, þeo ȝwyle it was ȝong : to guode drouȝ a-non,
to fastingue and to almes-dede : and wolle werie [Vern. wolleward] to gon;
In is bedde he nolde beo : bote wel luyte stounde,
Ake ligge in is oresones : op-on þe harde grounde.
Line 24
þo he was sethþe to scole i-set : a deore ȝer þare cam:
his bokes he solde and al is guod : and alle þe panes he nam
And delde heom alle to pouere men : ant ne lefde him-sulf riȝt noȝt.
þe tyþingue of is godhede : was sone wide i-brouȝt:
Line 28
So þat þe bischop of þe lond : louede him wel i-nouȝ
And enqueorede of is dedes : þat to alle guode he drouȝ:
