Þat he moste for him deiȝe : oþur, bote it oþur were,
Þat he moste in þe place : þene dethþ a-fongue þere.
Line 78
¶ Opon an hul huy wenden an heiȝ : ase huy weren a-signet to
Þis holie Man seint Albon : to þe deþe do.
Line 80
Seint Albon wilnede aftur watur : þare ope þe hulle on heiȝ;
he bi-heold þat þare ne miȝhte : no watur come þare neiȝ:
Ore louerd he bad with guode heorte : þat he sende is grace
Þat som water moste to him come : in þat ilke place.
Line 84
[[85-6 added in L.]] Ore louerd heorde is bone : þare anon-riȝhte
bi-fore alle þe tormentores : in heore alre siȝhte:
¶ For þo he hadde i-seid is oresun : and ore louerd i-bede,
Þare sprong out of þat heiȝe [hul] : a fair welle in þulke stude,
Line 88
Of al-so guod water ase ani miȝhte beo— : þat ȝuyt lastethþ, ich wene.
Euere was þo and al-so nouþe : ore louerdes miȝhte i-sene.
Þis guode kniȝht þat bi-liefde on god : for þat he seiȝ er,
Wel more he criede þo on him : for þulke miracle þer,
Line 92
And wilnede ȝeorne þat he moste : for him deiȝe þere.
So þat in ore louerdes name : Imartrede boþe huy were.
¶ Ake þe tormentour þat smot of : seint Albones heued,
Luyte he þorte þar-of ȝelpe : him were betere habbe bi-leued:
Line 96
For þo he smot of is heued : riȝht in þulke stounde
his owene eyȝene out of is heued : þare riȝht fullen to grounde.
Louerd, muche is þi miȝhte : ho-so him wole onder-stonde,
Ase men mouwe bi is wiþer-wine : godes miȝhte fonde. [g. m. f. on the mar|gin; puyrliche onder-stonde ex|punged.]
Seint Albon i-martred was : here in Enguelonde
Bi-side ane toune þat widincestre : men cleopeden, ich onder-stonde.
Þare is nouþe a churche a-rerd : and a gret Abbeye al-so,
Þat men cleopieth seint Albones : ase he was to deþe i-do.
Line 104
Bidde we ȝeorne Ihesu crist : and seint Albon wel faste
Þat we moten to þe Ioye come : þat euere schal i-laste.
20 Wolston
SEint Wolston, bischop of wyrecestre : was here of engelonde, [folio 48]
Swiþe holi man he was al is lif : ase ich me vnder-stonde.
Þe ȝwile he was a ȝong child : clene lif he ladde i-novȝ;
Ȝwane oþur children ornen to pleiȝe : toward churche he drouȝ.
Line 4
