Ther came a knyght and held hym down Ayeyn,
Line 2706
And with his swerd wold haue Darell slayn,
Butt in the most and in the thikest prese
hym to reskew thanne came Generides.
Line 2709
Streight as he cowde to that knyght he rode,
Line 2710
he brake his helme and stroke hym on the heede,
That on his hors no lengger he a bode,
But downe he fell and fast beganne to blede;
Line 2713
Generydes with hym he toke his stede,
And furth fro them he rode a litill aside,
And toke it Darell theron for to ride.
Line 2716
Clarionas beheld this euery dele;
Line 2717
Quod she ayeyn to Mirabell here mayde,
'The same is he, the whiche I love so well;
'Madame,' quod she, 'so haue I alway sayde,
Line 2720
ye nede noo thyng for hym to be dismayde,
Nor let no mo suche thoughtez yow assayle,
ffor it is he withoute eny fayle.'
Line 2723
Now rideth Darell with Generides,
Line 2724
As full of thought for his fortune that day,
And as they rode a litill fro the prese,
kyng Auferius came crossyng them the way,
Line 2727
ffull clene armyd in riche and good Aray.
Darell anon dressid hym full right,
And ranne to hym in all that euer he myght.
Line 2730
And one the hede smote Auferius the kyng;
Line 2731
The helme was sure, or ellys he had hym slayn,
kyng auferius withoute more tarieng
he gave ser Darell another for certayn
Line 2734
Vppon the helme, the fyre thanne sprang owt ayeyn,
And ther withall, with a full soden brayde,
To ser Darell right in this wise he saide:
Line 2737
