And as thei rode anon thei were Aspied
Line 2612
By on that was with Auferius the kyng,
And in noo wise thanne wold he not abide,
And told his lord withoute more taryeng;
Line 2615
And he anon, leving All other thing,
Sent furth knyghtez v. C. in aray,
hym self also to mete them on the waye.
Line 2618
And all was to withstonde ther passage,
Line 2619
With these knyghtes he rode on still opece;
The formest was Ismael the Savage,
Kyng Auferius sonne withoute leese,
Line 2622
And very brother onto Generides;
Be fore them all he came hym self alone,
Generides was ware therof anon.
Line 2625
He toke his spere And mette hym in the feld,
Line 2626
They toke ther course and ranne to rownde:
he stroke Generydes vppon the sheld,
That hors and man Almost were att grownde,
Line 2629
But vppe he rose anon both hoole and sounde,
And with his swerd he smote hym so ageyn,
That with that stroke he brake his sheld on twayn.
So fought yei still withoute eny drede,
Line 2633
And neyther of them wold to other yeld;
Generydes hym sette so vppon the hede,
That his helme flew quyte in to the feld,
Line 2636
With that anon Generydes beheld
The fetures wele that was in his visage,
Demyng that they were all of on lenage.
Line 2639
And for to haue ther of very knowlaching,
Line 2640
To Ismael he said, in very certente,
'Good ser,' quod he, 'for loue of hevyn kyng,
