here chere was don, she wept passing sore:
Line 2580
Myrabell sawe she wept more and more,
'Madame,' quod she, 'these tydengez that be now,
A wager dare I ley they are not trew:
Line 2583
And if it please yow, for your disporte,
Line 2584
To walk vppe to the towre [MS. town.] ther shall ye see
Paraventur that may be your coumfort.'
'I will,' she sayde, 'do as as ye councell me:
Line 2587
Comforte or no, or hough that euer it be.' [folio 14a]
So furth she went vppe to the towre on hye,
Butt nought she sawe, she wept so wtterly.
Line 2590
Thanne was Darell come to Generides,
Line 2591
And glad thei were, bothe he and Anasor,
ffor thei had long endured counfortles:
Whanne he was come amendid was ther cher,
Line 2594
And att that tyme owt of the prese thei were,
To rest them self a season to endure,
Ther eche to other told his aventur.
Line 2597
Clarionas was on the towre on hye,
Line 2598
Of here wepyng she ded hir self refrayn,
And owt vppon the feld she ganne aspye,
Where Anasore came rideng vppon the playn;
Line 2601
By his Armys she knewe hym for certayn
That it was he, and ther withall anon
A grete part of hir hevynesse was goon.
Line 2604
Generides was also in the feld,
Line 2605
Butt whiche was he she had noo knowlaching,
ffor he had on ser Amelokkez sheld,
With his devise, in very tokenyng
Line 2608
That he it wanne att ther encounteryng,
And so they rode oyther with spere and sheld,
Toward town clarionas them beheld.
Line 2611
