The kyng of kyngges gave it to his sonne,
Line 2265
Or the batell was eny thing begonne;
Sygrem was glad of chaungyng of his hors,
ffor of his owne he gave butt litill fors.
Line 2268
To hym anon thanne seid Generydes,
Line 2269
'Sygrem,' quod he, 'do me to vnderstonde
Ser Amelok, if he be in the preese,
Whiche trayturly hath wonne my faders lande.
Line 2272
ffayne wold I wete if he were here nye hande.'
'Trewly,' he seid, 'now I remembyr me,
Suche one ther is in very certente.
Line 2275
Butt as for yow, I wote not what ye be,
Line 2276
hym knowe I wele trewly, that is noo nay;
The first batell saue on ther in is he,
This is the very trougth that I yow saye,
Line 2279
And what ye be, I beseche and praye
To lete me wete the truthe in euery wise,
And I shall trewly owe yow my seruice.'
Line 2282
Generydes thanne gaue hym this answere;
Line 2283
'Sygrem,' he seid, 'to yow I will not leyne,
I shall yow telle the trouth of this mater,
kyng auferius is my fader in certeyn,
Line 2286
Whiche was of ynd bothe lord and souereyn,
And now is kyng of Trace, as I yow say,
Butt lete this go noo ferther, I yow praye.'
Line 2289
'Kyng auferius,' quod he, 'I knowe hym wele,
Line 2290
The last batell of all ther in he is,
As ferre as I canne vnderstonde and fele,
Ser Amelok is not his frende I wis,
Line 2293
And by what reason I will tell yow this;
The kyng of kynggez partyd them twayn,
Be cause they shuld noo debate begynne certeyn.'
Line 2296
