The nexst batell, whanne thei wist how it was,
Line 2234
Generydes and Anasore in certayn,
They brought ther felishepe bothe more and lesse,
And in a while they wanne the grownd ayen;
Line 2237
Generydes sawe Guynan on the playn,
The kyngges sone, rideng with spere and sheld;
he taryd not, butt mette hym in the feld.
Line 2240
Gwaynan on to Generides he ranne,
Line 2241
And with [his] spere he brake his sheld on twayne;
Generides ayenward like a man
With stode his stroke, and smote hym so ageyn,
Line 2244
That from his hors he felle vppon the playn,
And who that euer that was wele payde or wroth,
he toke his hors with hym and furth he goth.
Line 2247
Thanne was ther on not ferre owt of ye prese,
Line 2248
lyke a harowed he semyd for to be,
To hym Anon thanne seid Generydes,
'Good ser,' quod he, 'doo now sum what for me;'
Line 2251
'What is your will and pleasure?' quod he.
'My lorde,' he seid, 'that ye will in this nede
Chaunge my Sadyll and sett it on this stede.
Line 2254
Whanne ye haue do, take ye my stede therfore.'
Line 2255
Sygrem hym did as Generides hym badde,
he hight so, and to sey yow more
In his demeanyng he was wise and sadde;
Line 2258
Of bothe partys right grete favour he hadde,
To gentilmen he was right servisable,
And ther withall full good and companable.
Line 2261
Generydes leppe vppe vppon his stede,
Line 2262
A better was not onder nethe the sonne;
ffor grete suerte in story as I rede,
