The kyng of lybie, callid lamadone,
Line 2171
The ixte warde hadde att his leding;
And the xte, the last of euerychone,
Was auferius, the welebelouyd kyng
Line 2174
That was of ynd, and ther had his dwellyng
Till he was putte [from] his enheritaunce,
Wherof be fore was made remembraunce.
Line 2177
Two kynges mo were in his poyntement,
Line 2178
With the nowmber of knyghtes accordeng,
Owt of the Reme of Trace with hym ther were,
To wayte on hym ther were [they] well willyng,
Line 2181
But of on thing he had no knowlaching,
That his fortune was suche withoute lese
To fight ayenst his sone Generydes:
Line 2184
The last batell was putt on to his gard,
Line 2185
And for this cawse it was apoyntid so,
Ser Amelok he hadde the secunde ward,
That noo debate shuld be bytwix them twoo,
Line 2188
Thanne after this ther was no more a doo;
The men of armys bothe with spere and sheld,
With grete corage dressid them in to the feld.
Line 2191
And on the toder part forward they went;
Line 2192
Among his men the Sowdon came rideng,
And prevely iij knyghtez owt he sent,
Of his enmys to knowe ther demeanyng,
Line 2195
They brought hym word ayenward thei were comyng,
And so they rode ye space of half a nyght,
That euerychone of other hadde a sight.
Line 2198
Thanne afterward thei made noo taryeng,
Line 2199
But furth they goo withoute eny lett,
Wete ye wele ther was a sorowfull encounteryng,
