Anon with all ther Baneres were displayed,
Line 2108
A riall sight it was to behold,
Eche of them wele horsid and arrayed,
And in ther harnes dressid as they wold,
Line 2111
Ther cote Armers of siluer and of gold;
And so forward they partid all in feere,
The trompettys blew, it was A Ioye to here.
Line 2114
Now late vs leue them rideng on the way,
Line 2115
And to this myghti kyng turne we agayn, [folio 11b]
Hough he purveith in all that euer he may,
And in what wise that he may best ordeyne,
Line 2118
Of euery ward to make a capteyn,
ffirst he appoynted in especiall,
hym self was in the formest of them all.
Line 2121
Three kynggez were with hym in companye,
Line 2122
Also he hadde of [MS. haddes f.] knyghtes vj. thowsand,
And in nowmber as many by and by,
In euery warde was poynted afore hand,
Line 2125
And by writeng as I vnderstonde;
Gwynan his sonne, whiche was full dere,
Of his batell he made hym Banere.
Line 2128
Thanne came ser Amelok, the kyng of ynd,
Line 2129
Whiche lande, god wote, full traytoru[s]ly he wanne,
And vntrewly, the story makith mynde,
Betrayed his prince whiche was a nobill man.
Line 2132
The secunde ward ser Amelok beganne
With meche pepill, to say yow certenly,
ij kynges mo were in his companye.
Line 2135
So forthermore thanne came the kyng Sanyk
Line 2136
Nexst afterward, and with hym kynggez twayn;
A myghti prince, and kyng [MS. kyng he was.] of Auferyk, [MS. Anseryk.]
