And whanne that they were redy to goo,
Line 2045
And All assemelid in a companye,
iij skore thowsand they were withoute moo.
Thanne were ordeyned the wardes by and by;
Line 2048
The formest warde All redy for to gye
The kyng of Turkey had in gouernaunce,
Be very right of his enheritaunce.
Line 2051
Thre thowsand knyghtes att his demening,
Line 2052
Be side Archers and foote men that were ther,
And As his graunt was atte begynneng,
his sonne ser Abell he was baneer.
Line 2055
The secunde ward, to certifie yow here,
Was putte on to the kyng of Araby,
ij thowsand knyghtez in his companye.
Line 2058
The iijde ward ther in was ser Anasore,
Line 2059
And with hym was Generydes also,
And All the new made knyghtez they were thore, [MS. y er.]
And xv hundred men withoute moo,
Line 2062
Of chosen men what euer they shuld do,
All vnder nethe bothe the rule of more [So MS.?the rule bothe more.] and lesse,
Of Anasore and [of] Generydes.
Line 2065
The prince of Cesare, callid cherydone,
Line 2066
he was the iiijth, all in Another ward,
his felisshepe wele be sene echon,
A thowsand knyght[ez] wayteng on his gard.
Line 2069
Thanne came the kyng of Cesell afterward,
iij thowsand knyghtez in his companye,
With Archers and foote men by and by.
Line 2072
Nexst after hym came the kyng of Nycomede,
Line 2073
V thowsand knyghtes, wonder to behold,
ffull begely shapen bothe in lengeth And brede,
