ffor your pleasur in all that he cowde doo,
Line 1635
And vtterly this will I saye also,
he that will do Generydes a shame,
I yow ensure he shall do me the same.'
Line 1638
Thanne to the Sowdon furth with all they went,
Line 1639
The lordes and the knyghtes euerychone,
And prayed hym to respite the Iugement,
ffor certenly his wurchippe laye ther on;
Line 1642
And wele they wist that reson was ther [n]on,
A man to deme, in eny maner case,
Withoute lawe and in so litill space.
Line 1645
The Sowdon was as wrothe as he myght be,
Line 1646
That in noo wise he wist not what to saye;
Thanne was ther on, the Story tellith me,
A knyght whiche hadde be with hym many a day,
And wele cheryshed with hym he was Alway,
like as he wold the Sowdon wold the same
In euery thyng, and Lucas was his name.
Line 1652
Vnto the Sowdon he seid thus anon:
Line 1653
'Me think, ser, as ferre as I canne fele,
These lordes and these knyghtes euerychone
In this mater they haue not seyde but wele,
Line 1656
hasty processe will shende it euery dele,
Avise yow wele and do be good councell,
And that shall gretly yow honour and provaile.'
Line 1659
Whanne the Sowdon had hard hym euery dele,
Line 1660
Withynne a while he was right temperate,
Of all his wordes he remembryd wele,
And with hym self he was half atte debate;
Line 1663
he thought he wold noo more be obstenate,
And gaue them respite be fore them euerychon,
Till one and xxti dayes were come and goon.
Line 1666
