That Auferius suerly shuld be ther kyng:
Line 1320
he was to them so trew And so loving,
And so rightwise in euery Iugement, [folio 7b]
That so able was non to ther entent.
Line 1323
And shortly to procede in this mater,
Line 1324
They chase hym kyng by voice of the land,
The lordes and the Ientilles all in feere,
To hym dede homage as I vnderstonde,
Line 1327
With full promes ther feithes in his hand,
Atte all seasones to hym to owe ther seruice,
And hym obeyed in eny maner wise.
Line 1330
Whanne this was do he sent for quene Sereyne,
Line 1331
And in as goodly hast as it myght be,
The mariage was made be twix them twayn,
With grete honour and grete solempnite,
Line 1334
So grete a gaderyng was neuer in that contre;
ffor to that fest he bedde his lordes euerychone,
Theder thei came and ladys many on.
Line 1337
And whanne the fest was all to geder don,
Line 1338
Not long after withynne a litell space,
The quene Sereyne was with child full sone
And whanne tyme came, as god will geve hir grace,
She bare a sonne, a threfte child he was;
And whanne that he was growe to mannys age,
he was callid Ismaell the Savage:
Line 1344
For he was wild in all his demening,
Line 1345
Vnto the tyme he drew to more sadnesse,
Thanne afterward he was withoute feyning
A nobyll knyght, the story doth witnesse:
Line 1348
Now late vs thenne speke of Generydes,
What payn he hadde for fayre clarionas,
By grete envy of cursid malichias.
Line 1351
