Now trewly that were a strange case.
Line 879
Yet be the meane of fauour and of grace
Ye may me helpe all only and no mo,
O trewth it were your wurchippe so to do.'
Line 882
Quod she ageyn, 'if it were for to blame,
Line 883
My wurchippe were amendes for to make;
And in like wise ye aught to do the same,
If ther were eny suche that for your sake
Line 886
had so sufferyd payn or heuynesse had tak;
Peraventour I myght be on of thoo,
What will ye sey,' quod she, 'and it be so?'
Line 889
'Madame,' quod he, 'I here yow speke right wele,
Line 890
ffull fayne, god woote, I wold that it wer soo.'
'Trewly,' quod she, 'it is thus euerydele,
I you ensure, I may not goo ther fro;
Line 893
But my wurchippe may not avowe it soo.
This is the very trouth withoute feyning,
ffor loue will haue his course for eny thing.'
Line 896
When Myrabell had hard all this array,
Line 897
'After this werr,' quod she, 'god send vs pece:
I canne will think it will not lest alway.'
'Now god defende it,' quod Generydes;
Line 900
'I must depart,' quod she, 'withoutyn lese,
As for A tyme your pleasur for to spare,
Of evill speche it is good to be ware.'
Line 903
And shortly for to say you as it was,
Line 904
A full [a]corde was made betwix them twayn:
he gaue a ryng on to Clarionas,
And she toke hym Another for certeyn;
Line 907
With trew promys eyther for ioye or payn,
In stedefast wise ther hertys to ensure,
Neuer [MS. Nouer.] to chaunge but alway [to] endure.
Line 910
