Now who was gladde, and who was well apayde,
Line 848
And endly mery but Generydes,
Remembryng what Natanell had seid?
So furth he goth, and neuer wold he sese,
Line 851
Into the courte in myddes of the prese,
And so furth on vn to Clarionas,
In the gardeyn where apoynted was.
Line 854
Whan he hyr saw, he fayled countenaunce,
Line 855
Where with suerly he was not wele apayed;
And in like wise, to sey yow in substance,
On here behalf she was somwhat dismayde;
Line 858
Yet atte last right thus to hir he saide,
'Madame,' quod he, 'be cause I hadde licence,
I am more bold to come to your presence:
Line 861
And for to sey yow myn entent I wis,
Line 862
As for my self this is the mater playn,
ffor I must suerly tell vs att [So MS.; perhaps for telle what, or telle all as.] it is;
My hert is ouercome with very payn
Line 865
All for your sake, and so hath ben certeyn
Sithe I was here on massage sekerly.'
'hoo so?' quod she, [MS. he.] 'I haue grete wounder why.
Line 868
What [MS. That.] cause haue ye to putte me in this witte?
Line 869
As for my part I do no thyng nee sey,
I rede putte suche thougthes in respite;
Where I haue not offendid be this day,
Line 872
Wherby ye shuld be hurt by eny way:
Wherefore,' quod she, 'in ernest and in game,
To putte in me the defaute ye are to blame.'
Line 875
'Trewly, Madame,' thenne seid Generydes,
Line 876
'Of me ye ought no magry to purchase,
And for to con yow thanke for my dissese,
