And for to telle you plenly of my dissese,
Line 722
This is the cause; ther is on specialy
hath don me harme, god wote causeles,
I neuer offendid hym truly;
Line 725
And me think ther is noo remedy,
ffor I was neuer seke on this maner,
A fore this tyme now knowe ye all in fer.
Line 728
'Not all,' quod she, 'madame, that may not be;
Line 729
ffor yet I haue no knowlage whiche he is.'
'It is,' quod she, 'a yong Squyer, parde;
he is but late come to my lord, I wis,
Line 732
A very goodly man, so haue I blisse.'
'All this may be, and I beleue the same;
But good madame,' quod she, 'what is his name?'
Line 735
'To seye yow sothe, [MS. the sothe.] Generydes he hight.'
Line 736
Quod she ageyn, 'now wote ye euery dele;
Butt I of hym right sone may haue a sight,
With me I wote it will not long be wele,
Line 739
ffor hym only is all that euer I fele,
And alway more and more it doth encrese;
God wote I am no thing in hertys ease.'
Line 742
'Madame,' quod she, 'dismay yow neuer a dele,
Line 743
Be of good chere, hurt not yow to soore;
Doughte ye noo thing All this shalbe right wele,
ffor I shall trewly do my part ther fore
Line 746
With right good will, and for to say yow mor,
ffor [MS. And for.] this mater I shall do wele ordeyne
That ye suerly shall speke with hym ayen.'
Line 749
With that anon clarionas be ganne
Line 750
To take hir chere mor comfortably,
Notwithstondyng she was bothe pale and wanne,
