The knyghtes all, and the squyers truely,
Line 596
Were full sory of his sone departeng,
Notwithstondyng ther was noo remedy,
But furth he goth withoute more taryeng,
Line 599
Right vmbly he toke leue of the kyng,
And so fourth he went thorough owt ye hall,
ffull curtesly he toke leue of them all.
Line 602
Generydes and also Natanell
Line 603
To ther logging they toke the redy waye,
And trushed ther harnes euery dele,
Whanne that was do Generydes ganne saye,
Line 606
'Now late vs here appoynt for our Iurnay
In to what land or contre we shall goo.'
Quod natanell, 'that hold I wele to do:
Line 609
To Surry ward, hough seye ye now be that? [folio 4a]
Line 610
The quene Sereyne wold right fayne se you ther.'
'All that is sothe,' quod he, 'but wote ye what?
In stranger place fayne wold I that we were,
Line 613
ffor I am now of age harmes to bere;
And to be knyght as I see other be,
The more wurchippe the better think[eth] me.'
Line 616
'All this is very sothe,' quod Natanell,
Line 617
'To your entent I canne right wele agree;
Ther is a land I am remembryd wele,
Men call it Perse, a plenteuous contre,
Line 620
Ther and [yow] will the Sowdon may yow see,
The whiche is knowyn bothe ferre And nere,
A myghti prince, a man of gret powre.'
Line 623
Generydes thanne answerd in this wise:
Line 624
'To that contre I rede we take the waye,
ffor ther we may not fayle of good seruice,
