'Damesell,' quod he, 'your erande shall be do [MS. don.] ;'
Line 6828
With that the porter goth vnto the place,
And spake with Natanell a worde or twoo,
And brought hym furth onto Clarionas,
Line 6831
Vnknowen to them bothe what that she was;
'Ye are right welcom, suster myn,' quod he,
'What is your will? I prae yow telle it me.'
Line 6834
'Trowly,' quod she, 'I am a pore woman,
Line 6835
The kyng is seke, whom gretly I complayne;
And I wold Shewe suche connyng As I canne,
Trosting to god to make hym hoole ayeyn.'
Line 6838
Thanne he beheld hir ferthermore certayn,
A ryng he knew whiche on hir fynger was,
Yet wist he not that it was Clarionas.
Line 6841
From hir he went streight onto the kyng,
Line 6842
'Ser, please it yow to vnderstonde,' quod he,
'Ther is a woman whiche is full connyng
In euery sekenes and, as thinkith me,
Line 6845
By here wordes her semyth so to be;
here atte Castell gate with hir I spakke,
To make yow hoole this wolle she vndertake.
Line 6848
'On hir fynger ther is a ryng,' quod he,
Line 6849
'The whiche in sothe me think a straunge case;
And this I wote in very certente,
Ye gave suche on vnto Clarionas,
Line 6852
And in myself I mervell hough it was.'
Thanne seid the kyng, 'I woll now yt ye goo,
Bryng hir to me withoute wordes moo.'
Line 6855
Now Natanell goth to the Castell gate,
Line 6856
And brought this woman streight onto the kyng,
Butt she was wympelyd soo that woote ye what,
